Поле маё, поле!
Ты мне дарам божым;
Люблю цябе шчыра
Абсеяна збожжам.
Люблю тваіх межаў
Стужак рад зялёны,
Роўныя барозны
Шырокіх загонаў.
Люблю цябе, поле,
Вясёлай вясною,
Як ты зарунішся
Ўсякай дабрыною;
Як на табе срыбна
Зацвіце расіца,
Птушка зашчабеча,
Сонца разгарыцца.
Люблю цябе летам,
Як красуе ніва,
Як шуміць ад ветру
Блогасна, шчасліва;
Як колас наспелы
Пад сярпом сагнецца,
I смутная жнеў
Песня панясецца.
Апошнiя водгукi
1 год 2 недели назад
1 год 14 недель назад
1 год 16 недель назад
1 год 16 недель назад
1 год 33 недели назад
1 год 39 недель назад
1 год 40 недель назад
2 года 2 недели назад
2 года 2 недели назад
2 года 2 недели назад