...О так! Я — пралетар!..

Сярэдняя: 4.6 (94 галасоў)

...О так! Я — пралетар!..
Яшчэ учора раб пакутны —
Сягоння я зямлі ўладар
I над царамі цар магутны!

Мне бацькаўшчынай цэлы свет,
Ад родных ніў я адвярнуўся —
Адно... не збыў яшчэ ўсіх бед:
Мне сняцца сны аб Беларусі!

Наш летапісец

Яшчэ не ацэнена

Пад нашэпты пушчаў-бораў,
Пад напевы завірухаў
Летапісец творыць творы,
А ты слухай, шчыра слухай.

Беглі векі, як ручаі
Паміж нашых сцежак, межаў, —
Чужаніца байкі баіў,
А ён толькі праўду рэжа.

Як жылі, як вечавалі,
Як пасля былі ў прыгоне,
Адаб'е, як у крышталі,
Летапісец наш сягоння.

Думкі мудрыя ён піша,
Нібы пацеркі з бурштынаў, —
Як пазбыцца лішніх крыжаў,
Як падняць дабро краіны.

Вызначае шлях наперад —
Дзе, кудой ісці нам лепей,
Каб не ўпалі зноў у нерат,
Каб палон не ашчарэпіў.

I ўзбуялі нашы людзі,
Пачалі ўвысь голаў высіць...
Зручна жыць на свеце будзе,
Калі ёсць свой летапісец!

Павук і муха

Сярэдняя: 4.2 (28 галасоў)
Муха лётае па хаце
      I шукае стравы,
А павук снуе ўжо сетку,
      У куце над лавай.

Малачка ці крошку хлеба
      Знайсці муха хоча,
I вось беленькага цукру
      Ўбачыла кусочак.

Села, хобацік уткнула,
      Цукар ссе паволі,
А наеўшыся, ўзнялася,
      Лётае уволю.

Муха лётае навокал,
      У куток імкнецца,
I не ўспела азірнуцца,
      Як ужо у сетцы.

Дарма тузаецца муха,
      Парваць сетку хоча,
Ўжо нічога не паможа,
      Ўжо павук засмокча.

З польскай

Апошнiя водгукi

Раiм наведаць


Каб дадаць спасылку
на Ваш сайт, пiшыце ў
зваротную сувязь

Лічыльнікі

Rating All.BY
Вершы беларускiх паэтаў
Нашыя праекты